Jorge Yunda, kryetari i bashkisë së kryeqytetit të Ekuadorit, Quito, është qëlluar me një gotë uji nga një anëtar i këshilli, Fernando Morales.
Pasi i hodhi gotën me ujë Morales tentoi ta qëllonte me grushte krybashkiakun duke i thënë se është njeri i paturp.
Policia e shoqëroi atë jashtë dhomës ndërkohë që ai bërtiste “kryetari i Bashkisë duhet të japë dorëheqjen”.
Kjo skenë është bërë virale në internet dhe një simbol i luftës së vazhdueshme të pushtetit politik në qytetin e 2 milion banorëve.
“Ajo që bëra sot është ajo që çdo qytetarë do të kishte bërë,” u tha Morales gazetarëve pas incidentit, duke e përshkruar atë si një “shfaqje indinjate për kaq shumë korrupsion dhe veprime dashakeqe”.
Disa orë më vonë, kryebashkiaku u përgjigj në një deklaratë, duke thënë se “agresioni i sotëm është pjesë e sulmit në Quito nga ata që janë të gatshëm të bëjnë gjithçka për të arritur pushtetin”./ Opinion.al
