Komisoni Qendror i Zgjedhjeve nuk ka parë asnjë vendim gjyqësor të formës së prerë që ka ndëshkuar ish Kryebashkiakun e Kavajës Elvis Roshi dhe dy deputetët Dashamir Tahiri dhe Shkëlqim Selami.
Mandatet e tyre i ka hequr në mirëbesim ndaj informacioeneve që prokuroria i ka dërguar.
Mandatet e Elvis Roshit, Dashamir Tahirit dhe Shkëlqim Selamit janë hequr nga komisioni qëndror i zgjedhjeve pa parë me sy vendimet gjyqësore që i kanë ndëshkuar ata por duke i besuar konstatimit të prokurorisë së përgjithshme.
Deklarata e kryetari të komisionit qendror të zgjedhjeve në komisionin parlamentar të ligjeve ka cuditur deputetët e mazhorancës.
Deputeti i LSI Luan Rama kërkoi plotësim të ligjit, paqartësitë e të cilit sjellin këto pasoja. Këtu nuk përjashton se fajtorë janë edhe vetë ata që i miratojnë këto ligje.
Për deputetin Bashkim Fino ky rregullim është shumë më i thjeshtë
Nuk janë këto problemet e vetme që hasen në një proces zgjedhor. 125 partive politike nuk u dihet adresa, lindin para zgjedhjeve me adresa dyqanesh dhe zhduken sapo pocesi përfundon.Kryetari i komisionit qëndror të zgjedhjeve kërkon edhe ngritjen e një strukture të posacme për të bërë vlerësimin e formularëve të vetdeklarimit të afro 6 mijë kandidatëve sepse deri më sot këtë punë e bëjnë vetëm tre persona.
