Komisioni Qendror i Zgjedhjeve vendosi sot t’i kërkojë Prokurorisë informacion dhe dokumente mbi bazën e të cilave ka arritur në kërkesën për heqjen e mandatit të dy deputetëve Dashamir Tahiri dhe Shkëlqim Selami dhe kryetarit të bashkisë së Kavajës Elvis Rroshi.
Të tilla janë dokumentet që tregojnë për veprën për të cilën akuzohet i zgjedhuri, numri dhe data e marrjes se vendimit, data kur ai ka hyre ne fuqi.
Ketë vendim e votuan Kryetari i KQZ-se Denar Biba dhe 3 anëtarë të KQZ. Ndërsa 3 anëtarët e tjerë mbrojtën idenë se verifikimet për zyrtaret e zgjedhur, bazuar ne ligjin e dekriminalizimit, i bën organi i akuzës. Kurse KQZ merr të mirëqenë atë qe i serviret nga Prokuroria.
Po ashtu të 7 anëtarët e KQZ rëne dakord me votë unanime që mbledhjen e sotme ta vijojnë në datën 29 dhjetor.
Roshi, Selami dhe Tahiri, sipas prokurorisë, janë gjetur në shkelje të ligjit të dekriminalizimit pasi nuk kanë pasqyruar ne formularin e vetedeklarimit dënime që kanë marrë në disa shtete të BE-së.
Ne mbledhjen e sotme të këtij komisioni, ku u diskutua kërkesa e Prokurorisë për ndërprerjen e mandateve te 3 zyrtareve, u dëgjuan edhe këta të zgjedhur, si palë në proces.
Deputeti Shkelqim Selami ishte i pranishëm personalisht në këtë mbledhje, ndërsa Dashamir Tahiri dhe Elvis Roshi përfaqësoheshin nga avokatët e tyre Fatmir Braka dhe Theodhor Sollaku.
Ky i fundit tha se KQZ duhet t’i kërkojë Prokurorisë së Përgjithshme aktet procedurale mbi të cilat bazohet kërkesa për heqjen e mandatit të Roshit. Sollaku u shpreh ne mbledhje se detyra e KQZ është vetëm konstatimi, pasi kryetarët e bashkive shkarkohen nga Këshilli i Ministrave dhe ky vendim mund te ankimohet edhe në Gjykatën Kushtetuese.
Ndersa avokati i deputeti Dashamir Tahiri, Fatmir Braka u shpreh se klienti i tij akuzohet për kryerjen e një vepre penale që nuk përfshihet në veprat penale të specifikuara tek ligji i dekriminalizimit. Ai i kërkoi KQZ-se të mos marrë parasysh kërkesën e prokurorisë për ndërprerjen e mandatit te deputetit Tahiri.
Kurse avokati Genci Fiko, që përfaqësonte deputetin e LSI, Shkëlqim Selami tha se gjykata italiane e ka pushuar çështjen ndaj klientit te tij. Sipas avokatit, masa e sigurimit është marrë në 1994, është shuar në 2002 dhe ndalimi i Selamit në vitin 2006 ka qenë masë verifikimi./ TvKlan
