Një kotele ka rënë mbrëmjen e sotme në lumin Osum. Të qarat e maces kanë alarmuar turistët e huaj që ishin duke shëtitur në Berat, dhe kanë lajmëruar zjarrfikësit.
Bëhet me dije se ‘operacioni’ i shpëtimit ka nisur sapo forcat zjarrfikese janë paraqitur në vendngjarje.
Forcat zjarrfikëse kanë zbritur shkallët e ndihmës së shpejtë në lumë dhe njëri prej tyre është futur në thellësinë e lumit për të shpëtuar kotelen që kishte ngecur në një parvaz të murin anësor të rrugës së lumit.
Kotelja e vogël është nxjerrë lart e gjallë dhe veprimi është përshëndetur e duartrokitur nga turistët e qytetarët beratas, që e ndoqën nga afër këtë akt shpëtimi në të dyja brigjet e lumit. Efektivi zjarrfikës ka deklaruar se macen e shpëtuar që ishte një kafshë e braktisur do ta rrisin brenda Repartit Zjarrfikës të qytetit.
