Ngjarja e mesditës i ka tronditur jo pak po për fat të mirë mësohet se të dy sportistët e paragliding që u rrëzuan sot në rivierën e Jugut në Shqipëri nuk kanë lëndime serioze për jetën.
Sikurse u mësua sot në orën 13.30 dy sportistë kosovarë të hedhjes me paragliding janë rrëzuar në bregdet.
Ngjarja ka ndodhur gjatë zhvillimit të aktivitetit të hedhjes me paragliding në Kaninë.
Për shkak të rrymës së fortë të erës parashuta nuk është hapur plotësisht çka ka sjellë rrëzimin dhe lëndimin e shtetases kosovare e cila është dërguar për ndihmë të shpejtë në spitalin e Vlorës.
Shtetasja kosovare është identifikuar si Dafne Jashari, 32 vjeçe.
Bashkëshorti i saj Burim Jashari në një prononcim për Report Tv u shpreh se gruaja e tij ka pësuar vetëm disa gërvishtje të lehta, ndërsa incidenti ndodhi për shkak të erës.
“Ishim lart, na kapi era në anësore u gërvishtëm pak kur u ulëm, nuk ishte diçka tragjike.
Nuk u dëmtuam shumë, por disa gërvishtje në gjunjë. Dafina është mirë në kujdesin e mjekëve” u shpreh ai.
http://www.dailymotion.com/video/x5f94np_00-90808_news#tab_embed
