Kryeministri Rama tashmë në Komunikimin e tij të përjavshëm Javor ka sulmuar edhe njëherë opozitën sipas tij shkaktare të shpifjeve që prodhojnë llum.
“Shqipëria që duam është plotësisht e mundur dhe është në dorën tonë ta bëjmë realitet, por ajo bëhet vetëm me punë e jo me llafe, me reforma të vështira e mundim patriotësh e jo me sherre e gënjeshtra përtacësh. Me një hap të vogël e jo me iluzione e pallavra në rrugët e katundit të politikës. Kujt i duhet sherri? Njerëzve të zakonshëm jo një herë, po kujt i duhen akuzat, shpifjet e fyerjet që politika prodhon përditë. Loja politike me krimin ku politika derdh llumë cdo ditë për ti nxjerrë sytë kundërshtarit? Shqipërisë jo. Është për të ardhur keq kur e sheh kazanin e politikës të ziejë në vorbullën e gënjeshtrave. Kjo vjeshtë histerike e politikes, e as politika e kacafytjes për karriget e humbura s’mund të na pengojë dhe s’do na pengojë të bëjmë detyrën tonë, ta mbajmë të plotë përgjegjësinë e jashtëzakonshme që na dhanë njerëzit e zakonshëm”.
