Kombëtarja shqiptare e futbollit është mundur me rezultatin 2-1 nga Kombëtarja e Luksemburgut, në ndeshjen miqësore që sapo u mbyll në transfertë. Një ndeshje e cila pritej të ishte një test i rëndësishëm në pritje të përballjes të së dielës së ardhshme ndaj Izraelit, e vlefshme për kualifikueset e Kupës së Botës “Rusi 2018”, por që ka rezultuar një test i dobët për të besuarit e De Biazit.
Pjesa e parë ka përfunduar në shifrat e barabarta 0-0.
Në pjesën e dytë, në minutën e 52′ Shqipëria kalon në avantazh teksa Hysaj shërben mjaft mirë për Roshin dhe ky i fundit godet saktë drejt portës që nga hyrja e zonës.
https://vid.me/ApT6
Ekipi i Luksemburgut i cili në më të shumtën e përbërjes ka lojtarë gjysëmprofesionistë, reagon dhe në minutën e 63′ barazon shifrat me anë të Turpel.
Kukeli nuk bllokon dot një pasim për Turpelin, i cili futet me top i vetëm në zonë dhe përballë Strakoshës nuk e ka të vështirë të shënojë duke barazuar shifrat.
https://vid.me/rBOa
Luksemburgu guxon dhe në minutën e 74′ Bensi ekzekuton një goditje këndi nga e majta dhe kroson në zonë, aty ku Malget kërcen mbi të gjithë dhe godet me kokë duke përmbysur shifrat në favor të Luksemburgut.
https://vid.me/3Z9W
