“Të gjithë këndojnë, SANREMO 2017”. Kjo është shprehja e festivalit të muzikës italiane për këtë vit.
Klipi promocional i publikuar nga autoritetet e festivalit është shoqëruar me komente të shumta pro ose kundër, duke qenë se në të janë disa fetuse në pritje për të lindur që këndojnë dhe nënat e tyre me kufje në vesh që i dëgjojnë.
Kënga që dëgjohet në sfond i përket vitit 1964 nga këngëtarja Gigliola Cinquetti, fituese e atij viti ndërkohë që pamjet janë pak a shumë të njëjta si kënga “Teardrop” e vitit 1998 nga Massive Attack.
Në komentet në faqen zyrtare të Sanremos, ka kritika të shumta për këtë zgjedhje, që ngrenë pikëpyetje me konceptimin e fetusit në këtë mënyrë. Gjithashtu ka dhe nga ata që e kritikojnë si kopje, e ca të tjerë e quajnë turp këtë festival.
Në linqet e mëposhtme mund të ndiqni videot e këngës së luajtur te video, dhe tjetra më pamjet e imituara./Blitz
