Në një video të publikuar nga mediat britanike pak para kurorëzimit të tij si Mbret, Charles iu ankua bashkëshortes së tij duke i thënë se ” ne nuk mund të jemi kurrë në kohë” dhe “gjithmonë do të ketë diçka”.
Monarku dhe Camilla mbërritën në Ëestminster Abbey para kohë dhe i duhej të priste 5 minuta për të hyrë në kishë dhe për të vijuar me kurorëzimin e tij.
Princi dhe Princesha e Uellsit – të shoqëruar nga Princesha Charlotte dhe Princi Louis – thuhet se u vonuan dhe u detyruan të bashkoheshin me procesionin e mbretit, në vend që të hynin përpara Charles.
Një lexues i buzëve për Sky News tha se Charles u ankua: “Ne nuk mund të jemi kurrë në kohë. Gjithmonë do ketë diçka … Kjo është e mërzitshme, “-tha Charles gjatë kurorëzimit të tij.
Dr Guli Francis-Dehqani, peshkopi i Chelmsford, tha të shtunën jashtë kishës së Shën Margaretës pranë abacisë se kishte disa situata që nuk shkuan sipas planit.
“Kishte një ose dy gjëra që nuk shkonin rreptësisht sipas planit,” tha ai.
William dhe Kate duhej të mbërrinin në orën 10:45, ndërsa mbërritja e Charles dhe Camilla ishte caktuar për në orën 10:53 në orarin e organizuar me kujdes, të planifikuar muaj më parë.
Festimet e kurorëzimit do të vazhdojnë me një koncert të dielën mbrëma, ndërsa aktet muzikore duke përfshirë Gary Barlow dhe Nicole Scherzinger performojnë në Kështjellën Windsor nga ora 20:00.
