Kampioni në fuqi i botës në UFC, Khabib Nurmagomedov u prit si hero në vendin e tij të lindjes, Dagestan. Khabib u bë qendra e mediave botërore pas fitores së madhe që arriti ndaj irlandezit Conor McGregor.
Mijëra fansa e pritën me ovacioni “luftëtarin” rus i cili nuk ngurroi të përshëndeste fansat e tij më të zjarrtë. Në fjalën e tij, Khabib u kërkoi falje fansave të tij për ngjarjen e turpshme që ndodhi pas ndeshjes ku ai doli nga kafazi dhe u përlesh me stafin e McGregor.
Vlen të përmendet fakti se Khabib mund të ndeshet sërish me McGregor pasi ky i fundit ka kërkuar ndeshje tjetër.
