Një 46 vjeçar nga Shkodra u arrestua në një lokal në Tiranë, pasi ishte konfliktuar me kamerieren dhe madje e kishte kërcënuar me pistoletë. Policia publikoi videon e arrestimit dhe bëri të ditur se Besnik Alija, 46 vjeç, banues në Shkodër është konfliktuar me shtetasen Q. N., 42 vjeçe, banuese në Tiranë.
Në cilësinë e provës materiale u sekuestrua: Një armë zjarri e llojit pistoletë e tipit “Zastava”, me një krehër pa fishek. Materialet i’u kaluan Prokurorisë pranë Gjykatës së Shkallës së Parë Tiranë, për veprat penale”Prodhimi dhe mbajtja pa leje e armëve luftarake dhe e municionit” dhe “Kanosja”, parashikuar nga Nenet 278 dhe 84 të Kodit Penal
