Kanye West ka ndërprerë koncertin e tij në San Jose në Qendrën PSA, për të dhënë një fjalim të gjatë, vetëm se këtë herë nuk bëhej fjalë për industrinë e modës, ose për këngëtarët e tjerë. Subjekt i fjalimit të tij ishin zgjedhjet presidenciale dhe fitorja e Donald Trump.
“Unë ju thashë që nuk ka votuar, por nëse do të votoja vota ime do të shkonte për Trump”- ka thënë ai.
Ylli i hiphop-it ka thënë se e adhuron retorikën e Trump si dhe marrëdhënien e tij të lirshme me korrektësinë politike.
“E urrej faktin se pse jam njeri publik të gjithë më thonë se nuk duhet të tregoj se më pëlqejnë debatet.”
“Jam duke thënë se prej tij kam marrë disa ide në lidhje me mënyrën se si në duhet të lidhim idetë tona”- ka vazhduar west duke treguar edhe për vizionin e tij të së ardhmes për partitë politike.
Deklarata e Kanye West mund të përkthehet si fillimi i “fushatës” për kandidaturën e tij për president në zgjedhjet e ardhshme. Dhe nuk do ishte çudi nëse pas katër vitesh emri i tij do të ishte emri i kandidatit për president të SHBA.
