Monaco është hakmarrë për humbjen 4-0 të pësuar në fazën e parë kundër Nice, duke fituar sot me rezultatin 3-0 sfidën për titull kundër kuqezinjve. Një fitore kjo që e ka ngjitur skuadrën e Jardim në kuotën e 52 pikëve, tri më shumë se Nice e vendit të dytë dhe gjashtë më shumë se kampionët në fuqi të Paris Saint-Germain, që do të luajnë sot në orën 20:00 në fushën e Dijon.
Pas një pjese të parë të mbyllur në barazim pa gola, ka qenë sulmuesi 26-vjeçar Germain ai që ka zhbllokuar rezultatin në minutën e 47-të, duke shënuar një gol të lehtë me kokë pasi është lënë i vetëm në zonën e rreptësisë nga mbrojtja mike. Trembëdhjetë minuta më mbrapa ka ardhur edhe goli që ka mbyllur takimin. Edhe ky gol ka ardhur nga krahu i majtë, teksa Mendy, ashtu si në rastin e golit të parë, ka dhënë një pasim në zonë, që këtë herë është shfrytëzuar nga Radamel Falcao, i cili ka dërguar topin në rrjetë. Nëntë minuta para fundit të takimit sulmuesi kolumbain ka realizuar golin edhe glin e tretë për vendasit dhe të 14-in personal në këtë kampionat.
Kjo ka qenë edhe humbja e dytë e pësuar në këtë kampionat nga Nice, që ka pësuar një rënie në fazën e dytë të Ligue 1, siç tregojnë edhe tri barazimet radhazi të marrë para fitores 3-1 të arritur në javën e kaluar kundër Guingamp. Për sa i takon Monaco, këto tri pikë i kanë çuar bardhekuqtë më afër triumfit në kampionatin francez, që mungon prej shtatëmbëdhjetë vitesh, teksa hera e fundit që Monaco ka fituar titullin ka qenë sezoni 1999-00.
https://www.dailymotion.com/video/x5amlmz_radamel-falcao-goal-hd-as-monaco-2-0-nice-04-02-2017_sport
