Pak ditë më parë ajo u shpall “Gruaja më e bukur në botë” nga revista “People”, ndërsa këtë fundjave, Julia Roberts ka përjetuar nga afër emocionet e ndeshjes “El Clasico”.
Aktorja e Hollywood ka qenë e ftuar speciale e Real Madrid për të ndjekur nga afër sfidën me Barcelonën, por edhe për të takuar yjet e skuadrës madrilene.
Aktorja amerikane është pritur nga presidenti Perez dhe nga drejtues të lartë të klubit. Ajo nuk i ka mbajtur dot emocionet kur ka parë që drejt saj po afrohej ylli i Realit, Cristiano Ronaldo.
E befasuar dhe plot emocion, aktorja e ka përqafuar dhe ka bërë foto të rasti me të.
Ronaldo po ashtu ka firmosur tre djemve të aktores topat që mbanin në duar posaçërisht për këtë takim.
