Gazetari Spartak Koka ka sjellë një shpjegim më të qartë të videos në të cilen shihet momenti, kur efektivi Nevaldo Hajdaraj qëlloi mbi 25-vjeçarin Klodian Rasha.
Referuar videos eksluzive që ka siguruar, Koka tha se nuk rezulton të ketë patur një përleshje fizike mes të riut dhe efektivit të policisë. Nga ana tjetër, ai shprehet se mbetet ende e paqartë të kuptohet nga se janë shkaktuar hematomat në kokë dhe në fytyrën e të riut.
Në video shihet gjithashtu edhe momenti kur efektivi qëllon mbi 25 vjeçarin dhe sikurse ka shpjeguar Koka nga arma është qëlluar 2 herë.
Gjithashtu Koka ka saktësuar se pistoleta e gjetur ka qenë në krahun tjetër të rrugës. “Pistoleta është gjetur në anën tjetër të rrugës, në rrugën “At Zef Valentini”. Të paktën për herë të parë sot, prokuroria saktësoi ku ishte gjetur pistoleta”, tha Koka.
Shpjegimi i Spartak Kokës
Ora është 1:10:26 sekonda. Ky është momenti kur Klodian Rasha shfaqet i mbështetur tek një pemë në rrugën “Dritan Hoxha”, rreth 50-60 metër larg shtëpisë.
Pak sekonda më vonë pranë tij kalojnë dy vajza, në drejtim të rrugës së Zogut të Zi. Kalojnë qetësisht pranë Klodian Rashës dhe ai nuk lëviz.
Ora 1:11:27 sekonda. Vjen një makinë private që i është bërë me drita për të ndaluar nga policia. Në këtë moment Klodian Rasha fillon dhe lëviz për t’u larguar në drejtim të kangjellave për të dalë nga krahu tjetër i rrugës.
1:11:39 Nevaldo Hajdaraj del nga automjeti. Është këtu Hajdaraj dhe nga krahu tjetër është polici me inicialet E.Gj.
Ndërkohë që polici tjetër ka qëndruar për pak sekonda në këtë rrugë dhe më pas ka dalë në krahun tjetër, ku është fiksuar nga kamera tjetër e sigurisë.
Këtu jemi në krahun tjetër të rrugës dhe kontatohen dy punonjësit e policisë dhe dyshohet të kenë lëvizur pranë ish-drejtorisë së Doganave.
Rreth orës 1:13 shfaqen sërish duke lëvizur. Klodian Rasha dhe punonjësi i policisë i cili e ndjek, duke tentuar ta kapim.
Ky është moment tjetër, ku është e shtëna e parë. Ka një si shkëndijë. Të paktën nga kamera kjoo është e shtëna e parë.
Janë dy të shtëna, të dytën s’e dallojmë se kur futet Klodian Rasha në këtë pjesë.
Në 1:14: 35 sekonda dallohet në rrugicë Nevlado Hajdaraj. Me sa duket ka përfunduar në këtë moment. 35 sekonda më vonë shfaqet në rrugicë polici tjetër me inicialet E.Gj, i cili ka ardhur nga krahu tjetër i rrugës./Opinion.al
