Rruga e Kombit është e kalueshme vetëm me zinxhirë. Njoftimi u bë sot nga drejtori i Përgjithshëm Policisë Rrugore, Ardi Veliu në një komunikim me mediat. Ai tha se drejtuesit e mjeteve duhet të bëjnë shumë kujdes dhe të shmangin parakalimet.
Veriu dhe verilindja e Shqipërisë po përballen me vështirësitë e qarkullimit në rrugë pas reshjeve të borës që nisën mbrëmjen e djeshme.
Mësohet se në Kukës trashësia e dëborës ka arritur deri në 15 cm. Në dispozicion janë vënë 10 borëpastruese, punonjësit po hedhin kripë në rrugë për të shmangur aksidentet.
Bashkia e Kukësit në një postim në Facebook thotë se “intensiteti i reshjeve te debores u shtua gjate oreve te mbremjes ndersa Shtabi i Emergjencave i Bashkise po qendron ne koherence me situaten. Mjetet borepastruese nisen menjehere nga puna per hedhjen e kripes ne rruget e qytetit ndersa Bashkia vuri ne gadishmeri edhe mjetet e saj per te nderhyre ne rast nevoje. Bashkia garanton te gjithe qytetaret e saj se do te beje gjithcka per te mbajtur situaten nen kontroll dhe rruget te qarkullueshme.”
Ndërkohë moti pritet të përkeqësohet, pasi duke nisur nga e premtja temperaturat do të vijojnë nga -4 gradë deri ne -11.
Në videot më poshtë do të shihni situatën sot në Rrugën e Kombit. Janë qytetarët ata që kanë postuar në rrjetet sociale pamjet pranë tunelit të Kalimashit. Video e parë është bërë mëngjesin e sotëm, ndërsa e dyta, mbrëmjen e djeshme.
/opinion.al
