Tashmë bëhuni gati për një dasmë mbretërore, pasi princ Harry dhe Meghan Markle janë zyrtarisht të fejuar.
Lajmin e ka konfirmuar vetë familja mbretërore nëpërmjet një postimi në profilin zyrtar në Twitter, ku shkruhet: “Princ Harry dhe Meghan Markle janë zyrtarisht të fejuar”.
Por para zyrtarizmit të fejesës së tyre një shpallje është bërë nga ana e Oborrit Mbretëror. Lajmësi ka bërë një njoftim tepër interesant në oborr për zyrtarizmin e fejesës mes tyre: “Dëgjoni, dëgjoni, Pallati Mbretëror njofton se Princi Harry do të fejohet me Meghan. Zoti e ruajt Mbretëreshën”, thotë shpallësi.
Prej kohësh ishte diskutuar ky lajm, që pas zhvendosjes së Meghan në Londër. Tashmë që çifti ynë i preferuar janë fejuar, të gjithë kanë nxituar të pyesin për dasmën: kur do bëhet, ku, a do të jetë një dasmë e madhe si ajo e princ William dhe e Kate? Gjithsesi këto pyetje nuk mund të marrin një përgjigje ende. Ajo që dihet, sipas burimeve për Daily Mail, është se data e martesës do të njoftohet në fillim të muajit janar. /Opinion.al
