Video/ Ja si u godit me shpullë futbollistja serbe gjatë ndeshjes

Goditja me shuplakë e një futbolliste femër, si pasojë e festimeve të saj për realizimin e golit, ka ndezur një furi reagimesh në Serbi. Drejtuesit e skuadrës së Vojvodina, Dragana Capelja u ndalua nga policia pasi goditi me shuplakë futbollisten 18-vjeçare Nevena Miladinovic, të skuadrës sëYllit të Kuq, pas fitores 3-1 të kësaj të fundit. Capelja pranoi përfshirjen e tij në incident, ndonëse u përpoq të fajësonte Milandinovic për mënyrën e saj të festimit të golit, si justifikim për veprimin e tij të dhunshëm.

“Kishte provokime nga ana e tyre, por gjithçka është zgjidhur tashmë”, deklaroi Capelja për të përditshmen serbe “Kurir”. Klubi Ylli i Kuq publikoi një fotografi të futbollistes së dhunuar, ku lehtësisht dallohej në faqen e saj shenja e dorës, pas shuplakës së lëshuar nga Capelja. “Përfaqësues dhe anëtarë të klubit të Vojvodinas, me lot ndër sy na përgëzuan ne për fitoren e merituar”, njoftuan drejtuesit e Yllit të Kuq në profilin e tyre në Facebook.

Gjithsesi skuadra jonë u detyrua të qëndrojë në Novi Sad edhe për tre orë të tjera pas përfundimit të ndeshjes për shkak të aktit johuman dhe aspak sportive të zyrtarit të liçencuar të Vojvodinas, Dragan Capelja, i cili i revoltuar nga festimi i vajzave tona për golin e shënuar, qëlloi me shuplakë futbollisten Nevena Miladinovic. Kjo e fundit, e cila sapo ka mbushur 18 vjeç, është gjithashtu një futbolliste e ekipit përfaqësues të Serbisë, të ekipit të femrave në futboll. Policia e ndaloi Capeljan, i cili nën hetimin e tyre ka pranuar veprimin. Që nga ai moment, klubi Vojvodina ka paraqitur ndjesën ndaj skuadrës tonë, sikurse dhe në adresë të familjes së Nevenas”, deklaruan drejtuesit e Yllit të Kuq.