Vargjet aq të njohura të poezisë së Agollit, “Kur te jesh merzitur shume” u kthyen në këngë me kompozimin e Ardit Gjebresë, në një nga krijimet më të njohura për shqiptarët.
Në të parën ditëlindje pa Dritëroin, më 13 tetor, vajza e tij Elona ka vendosur të mbledhë në një ceremoni përkujtimore miq dhe të afërm, që e kanë risjellë edhe një here te gjallë kujtimin për shkrimtarin e njohur.
Mes të ftuarve ka qenë edhe Ardit Gjebrea, i cili ka treguar historinë e kompozimit të vargjeve, që në atë kohë u bë me miratimin e vajzës së tij Elonës, por pa dijeninë e shkrimtarit.
“Dritëroi në fillim u vrenjt, që nuk i kishim marrë leje për poezinë, por më pas i pëlqeu”, ka treguar Gjebrea.
Në ceremoni, Gjebrea ka kënduar bashkë me vajzën e tij Ana, këngën e njohur krijuar mbi vargjet e Agollit.
Në këtë ditë u promovuan edhe dy vepra të poetit, të botuara pas ndarjes së tij nga jeta, nën kujdesin e të bijës.
https://www.facebook.com/Ora.News.RTV/videos/1095445600580561/
