Duket se Paul Pogba dhe Zlatan Ibrahimovic janë duke u bërë miq në javët e tyre të para, si pjesë e Manchester United. Ato ndajnë video plot shaka me njëri-tjetrin në dhomat e zhveshjes, por jo vetëm. Suedezi nuk mbeti pa e treguar egon e tij, kur tha se “Pogba u ble nga Manchester United me lekët e shitjes së fanellave të tij”. Nuk dihet nëse Ibra e tha për ironi këtë gjë, duke parë çmimin rekord historik të transferimit të mesfushorit francez në “Old Trafford”, nga Juventusi, apo i hodhi “dorashkën” e shakave, që nuk kanë të ndalur.
Gjithsesi, Paul Pogba, në një intervistë që ka dhënë për patriotin e tij, Tierry Henry, ka guxuar shumë… Çfarë do të thoni ju? Asgjë më shumë dhe asgjë më pak, se të imitojë gjigantin suedez. Në videon shoqëruese të këtij shkrimi do të njiheni me fjalët dhe gjestet e francezit, që përbëjnë skenën imituese të Ibrës, çka shkakton të qeshura pa fund te të dy, intervistuesi, që në këtë rast është një ish-futbollist i njohur, Henry, dhe te lojtari i momentit, që vendosi rekord historik me rikthimin te “djajtë e kuq”, Pogba.
