Drejtuesit e Arsimit të Lartë përzgjodhën të mërkurën 11 kandidatët për anëtarë organeve të reja të Drejtësisë.
Por procesi i intervistimit që parapriu procesin, ka nxjerrë në pah mangësitë e tyre dhe mosnjohjen e prokurorëve e gjyqtarëve, aq sa një filozof në juri shpesh herë mbeti i tronditur.
Pedagogët e Jurisprudencës, kandidatë për në trupën e këshillave për vettingun nuk njohin prokurorët dhe gjykatësit.
Jo pak herë ata çudisin me përgjigjet e tyre kur pyeten për librat më të fundit që kanë lexuar, për prokurorët, apo për situata se si do të silleshin në rast se kriminelët do t’i telefononin.
Profesori Përparim Kabo, pjesë në jurinë përzgjedhëse tronditet nga përgjigjet e pedagogëve të juridikut dhe magjistraturës.
‘’E keni dëgjuar ndonjëherë Alush Dragoshin, çfarë ka qenë ky kompozitor, piktor”, e pyet Kabo. Ndrësa anëtarja përgjigjet duke thënë se për momentin e harroi. Ndërsa për filmin njëra nga kandidatet shprehet se një film edhe pse e ka parë nuk e mban mend.
‘’Ngrihesh në mëngjes dhe sheh në celularë që një kriminelë të thotë që do të vrasë fëmijët në rast se nuk e liron nga burgu, çfarë do të bësh”, e pyet Kabo një tjetër anëtare. Ndërsa ajo përgjigjet në mënyrën më naïve: do të fikë telefonin. A do të ishte kjo një zgjidhje?!
Dy nga 5 kandidatët që dëgjuat do të jenë anëtarë të trupës që do të hetojë mbi prokurorët dhe gjykatësit…
Pyetje: E keni dëgjuar ndonjëherë emrin Alush Dragoshi?
Përgjigje: Për momentin nuk më kujtohet
Përgjigje: Po e kam dëgjuar
Pyetje: Çfarë ishte ky, artist kompozitor, piktor?
Përgjigje: Nuk e mbaj mend
Pyetje: Çfarë ju kujton emri Di Pietro?
Përgjigje: Për momentin nuk më kujtohet
Pyetje: Ka ndonjë rast në Republikën e Shqipërisë në këto 27 vite tranzicion që Prokurori i Përgjithshëm të jetë shkarkuar nga Parlamenti dhe të jetë kthyer me vendim te Gjykatës Kushtetuese në detyre?
Përgjigje: Në dijeninë time ka raste
Pyetje: Cili?
Përgjigje: Ka qënë…
Pyetje: Mos ka qënë Arben Rakipi
Përgjigje: Maks Haxhia më duket
Pyetje: Si quhet prokurori që arrestoi Guvernatorin e Shqipërisë?
Përgjigje: Nuk më kujtohet
Pyetje: Objekti më i shtrenjtë që keni blerë në jetën tuaj?
Përgjigje: Një pendë, që kushtonte 70 dollare
Pyetje: Po vetura juaj sa kushton?
Përgjigje: Kuk kam një të tillë
Pyetje: Ecni në këmbë?
Përgjigje: Më pëlqen shumë transporti publik
Dy nga 5 kandidatët që dëgjuat do të jenë anëtarë të trupës që do të hetojë prokurorët dhe gjykatësit në Shqipëri.
/Channel One
