Kryeministri Edi Rama e ka nisur ditën duke demonstruar se si i ka gjetur punë një kryefamiljari pasi Basha kishte shkuar në familjen e tij që jeton në varfëri. Bëhet fjalë për Spahi Koçin nga Vora. Kreu i PD Lulzim Basha ishte në familjen e tij pak ditë më parë dhe bashkëshortja ankohej se shteti i kishte hequr ndihmën ekonomike dhe gjithë familja ishte pa punë. Ndërsa, Rama sot tregon se pikërisht Spahi Koçin të cilit i ka gjetur punë në ndërtim.
Ai ka marrë një fragment nga videoja e Bashës ku bashkëshortja thoshte se “burri nuk ka gjetur punë” dhe më pas pamjet në zyrën e punës ku Koçit i ofrohet punë në ndërtim”.
Videon Rama e shoqëron me statusin: “Rast domethënës, ku bëhet edhe dallimi i qartë mes atyre që duan ta përdorin Ndihmën Ekonomike për politikë dhe nesh, që mbështesim punësimin e atyre që nuk përfitojnë nga Skema e Re”.
Të shumtë janë komentuesit që i thonë se nuk bëhet politikë me varfërinë dhe si Spahi Koçi ka me qindra e mijëra të tjerë që nuk marrë përgjigje në zyrat e punësimit.
“Je i papame per pikturuar çdo gje me ngjyrat që do ti! Në fakt realiteti eshte krejt ndryshe. Nuk u lodhe duke zhgarravitur cdo dite mendjet e shqiptareve?”, shkruan njëri prej komentuesve në facebook-un e Kryeministrit. /Opinion.al
