Izraeli bombardoi shtëpinë e shefit të Hamasit në Gaza mëngjesin e së dielës ndërsa sirenat paralajmëruan për sulme me raketa në qytetet kufitare të Izraelit menjëherë pas agimit, raporton Reuters.
Si kundërpërgjigje, grupi islamist lëshoi raketat në drejtim të Tel Aviv-it ndërsa përplasjet vazhdojnë në ditën e shtatë radhazi.
Të paktën 153 njerëz janë vrarë në Gaza që nga e hëna, duke përfshirë 42 fëmijë, thanë zyrtarët shëndetësorë. Izraeli ka raportuar 10 të vdekur, përfshirë dy fëmijë.
Këshilli i Sigurimit i Kombeve të Bashkuara pritet të mblidhet të Dielën për të diskutuar rreth konfliktit më të ashpër Izraelito-Palestinez në vite.
Sekretari i Përgjithshëm i OKB Antonio Guterres kujtoi të gjitha palët “se çdo shënjestër pa kriter e strukturave civile dhe mediatike shkel ligjin ndërkombëtar dhe duhet të shmanget me çdo kusht,”.
Izraeli dhe Hamasi, këmbëngulin që do të vazhdojnë sulmet e tyre pasi Izraeli shkatërroi një ndërtesë 12-katëshe në Gaza, ku ndodheshin mediat amerikane Associated Press dhe Al Jazeera me bazë në Katar./Opinion.al
