Një 60 vjecar italian u ndalua në portin e Durrësit pasi në makinën e tij u gjetën 6 kg e 105 gr lëndë narkotike Marjuanë. Përmes një njoftimi, policia tha se “gjatë procedurave të kontrollit kufitar në Pikën e Kalimit Kufitar Durrës mbrëmjen e djeshme Policia Kufitare ka ushtruar kontroll në një mjet me drejtues një shtetas italian, me destinacion Italinë”.
“Gjatë kontrollit të imtësishëm të ushtruar në vijën e dytë mjetit tip Fiat, në pjesën e poshtme të mbrapakolpit u gjetën dhe sekuestruan në cilësinë e provës materiale rreth 6 kilogramë e 105 gramë lëndë narkotike e dyshuar e llojit Marjuanë.
Veprimet e mëtejshme procedurale u kryen nga ana e Specialistëve për Hetimin e Narkotikëve në drejtorinë Vendore të Policisë Durrës, të cilët arrestuan në flagrancë shtetasin: Piero Mormina 60 vjeç, banues në Itali.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Trafikimi i lëndëve narkotike ” parashikuar në nenin 283 /a të Kodit Penal”, beri te ditur Policia e Shtetit.
/Opinion.al
