Një video është bërë virale në rrjetet sociale, ku shfaqet një burrë teksa ngacmon seksualisht një gazetare teksa ishte në transmetim Live në një televizion kombëtar në Spanjë.
Sikurse shfaqet në pamje një kalimtar mashkull afrohet dhe prek të pasmet e gazetares teksa ajo fliste para kamerës dhe pamjet transmetoheshin në të gjithë vendin.
Gazetarja e Cuatro, Isa Balado po jepte detaje të një grabitjeje që kishte ndodhur në qendër të Madridit, kur ndodhi ngjarja.
Gazetarja u përpoq që të vazhdonte raportimin e saj, por u ndërpre nga drejtuesi i programit.
“Isa, më fal që të ndërpreva, a të preku fundin?”, pyeti Naço Abad.
Gazetarja e konfirmoi ngacmimin dhe prezantuesi i emisionit i tha asaj që të drejtonte kamerën nga personi që e preku, i cili qëndronte pranë saj. Ai u pa në video duke qeshur dhe mohoi e kishte ngacmuar gazetaren.
Sipas njoftimit të policisë, personi që preku gazetaren gjatë raportimit live, u arrestua.
View this post on Instagram
