Ish-shefi e Emergjencave Civile Shemsi Prençi në një intervistë në ‘Fax News’ ka folur për gjendjen e strukti=urave të Emergjencave Civile në vendin tonë ku ka bërë të ditur se ka mungesë kapacitetesh dhe duhet një alokim më i madh fondesh për të përballuar situatat e rrezikshme në Shqipëri pasi vendi ynë për shkak të faktorëve të ndryshëm përfshihet në zonat me rrezik të lartë.
“Shqipëria nuk ka patur asnjëherë struktura të Emergjencave Civile, ka një drejtori kordinative të Emergjencave Civile. Ne kemi luftuar, madje kemi përgatitur dhe draft-ligjin por nuk është qasur nga qeveria për tu miratuar, është i gatshëm. Për hartimin e draft-ligjit për mbrojtjen e Shqipërisë është punuar me ekspertë të huaj, me urdhër të kryeministrit është ngritur një grup pune me përfaqësimin e gjithë ministrive, nga zëvendësministrat e linjës që merren me menaxhimin operacional. i është dhënë një vlerësim maksimal në fillim dhe më pas është stopuar”, tha Prençi i cili shtoi se në ligj ishte parashikuar që Emergjencat Civile të kalojnë në Agjenci Kombëtare me struktura të mifillta operacionale.
Ish-drejtori i Emergjencave Civile ka folur edhe psr sigurinë e urave në Shqipëri, duke pasur parasysh ngjarjen e rëndë që ndodhi në Xhenova të Italisë me shembjen e urës Morandi ku humbën jetën 43 persona, përfshirë dhe dy shqiptarë.
Ai bëri të ditur se në vendin tonë janë 33 ura që rrezikojnë të shemben, dhe për këtë nuk është marrë asnjë masë.
“Në Shqipëri nuk ekziston prtej vitesh Instituti i Ndërtimit, ose nuk ka qenë në pozita pune, mendoj që Ministria e Infrastrukturës duhet të vejë në punë këtë institute, I cili duhet të ketë raporte monitorimi të përvitshëm për urat, sidoms për rrjetin nacional”, deklaroi Prençi.
Monitorimi duhet bërë mbi shkallën e armortizimit dhe ndërhyrjet që duhen bërë me kalendar të caktuar.
Ish-drejtori i Emergjencave Civile bëri të ditur se në dhjetor të vitit 2017 kishte ngritur një grup për monitorimin e urave dhe inxhinierët e drejtorisë së përgjithshme të Emergjencave Civile kishin konstatuar 33 ura në Shqipëri të rrjetit nacional që janë të rrezikshme.
Këtë raport ai ua kishte dërguar Ministrisë së Mbrojtjes por edhe institucioneve të tjera, por nuk ka marrë asnjë përgjigje.
Ai përmendi dhe disa ura që janë të dëmtuara ose krejjtësisht jashtë përdorimit.
“Ura në Skuraj nuk ekziston më, është prishur e tëra, hekurat janë marrë dhe janë shitur gjysma për skrap, e njëjta gjë është me ‘Urën e Zogut’, monument kulture, nuk është ndërhyrë prej shumë vitesh për tu riparuar. Jnë tre ura mbi lumin Drin, historike, mbi 80-vjeçare të bëra që në kohë të Italisë. Ura e Topojanit, ura në Reç të Dibrës, të dy urat në dalje dhe hyrje të Rrubikut, ura që janë mbi lumin ‘Fan’, dy ura mbi lumin ‘Mat’, dy janë në Shkodër, janë në Krujë, ura e Tapizës”, tha Preçi.
Sipas tij prishja e këtyre urave bëhet nga kamionët dhe trajlerat e mëdhenj.
“Ajo çfarë ëshë më e keqe është se autoritetet rrugore dhe policore përveç kësaj, lejojnë që të gjithë kompanitë e ndërtimit…i kanë marrë peng strukturat e shtetit, përfshirë edhe mua, që kam qenë polic, oficer policie dhe drejtues. Kolegët e mij sot janë të marrë peng”, u shpreh ndër të tjera ai.
