Ish- presidenti i Gjeorgjisë, Mikhail Saakashvili ka tentuar mëngjesin e së martës të hidhet nga pallati pasi forca të shumta policie kanë shkuar në banesën e tij për kontroll. Ngjarja ka ndodhur mëngjesin e sotëm në Kiev, ku ish lideri ka apartamentin e tij.
Teksa policia është futur në apartamentin e tij, ish-lideri ka vrapuar drejt tarracës së pallatit ku ka kërcënuar se do të hidhet. Ai ka akuzuar presidentin aktual të Gjeorgjisë, Petro Poroshenko se po tenton ta rrëmbejë, dhe u bëri thirrje forcave të policisë të ndalonin kontrollin.
Shumë njerëz janë mbledhur poshtë pallatit, teksa mbështetësit e tij janë përleshur me policinë. Ish-presidenti akuzohet për lidhje me bandat kriminale, dhe favorizim të aktivitetit të tyre.
