Teksa sot pritet që ish-kryeministri Berisha të shkojë në SPAK për t’u marrë në pyetje në lidhje me privatizimin e ish-kompleksit Partizani, pamjet e mëposhtme tregojnë se çfarë po ndodh poshtë banesës së tij.
Sikurse shfaqet në video dy makina të policies ndodhen poshtë banesës, të cilat do të bëjnë shoqërimin drejt SPAK të Berishës.
Ndërkohë, avokatët e Berishës, Genc Gjokutaj dhe Sokol Mëngjesi janë të pranishëm në pallatin ku banon Berisha, ku po konsumojnë kafen e mëngjesit.
Kjo është hera e parë që Berisha do të pyetet në SPAK për çështjen Partizani, për të cilin është caktuar dhe masa ‘arrest shtëpie’.
