Infermieret Mira Bushi, Sheqerije Koçi, Sidorela Çela, dhe sanitarja Rukije Hoxhaj të arrestuara lidhur me skandalin “Tire” në “Shefqt Ndroqi” kanë dalë sot para Gjykatës për t’u njohur me masën e sigurisë.
Ndërkohë, bëhet me dije se Prokuroria e Tiranës ka kërkuar arrest me burg për tre infermieret dhe sanitaren tek ‘’Shefqet Ndroqi’’.
Mësohet gjithashtu se nga telefonat e të ndaluarave të cilët do të dërgohen për ekspertizë të mëtejshme, prokuroria ka konstatuar që janë fshirë bisedat me Tiren për të fshehur provat.
Tre infermieret dhe sanitarja e ‘’Shefqet Ndroqit’ ’kishin krijuar një skemë kriminale brenda spitalit për të marrë para nga pacientët me COVID-19 dhe familjarët e tyre. Mbi to rëndon akuza për shpërdorim detyre dhe mashtrim.
