Ndeshja e Kupës së Shqipërisë mes Vllaznisë dhe Skënderbeut nuk kaloi pa probleme. Një oficer i policisë është goditur nga tifozët në momentin që po përpiqej të ndalte një përleshje mes tyre.
Përgjegjësit e këtij incidenti u shoqëruan në Komisariatin e Shkodrës. Nga tribuna në fushë ku braziliani Ademir u përplas me Antonio Markun.
Të dy futbollistët u dërguan në spital për tu mjekuar, patmirësisht nuk patën pasoja të rënda. Kjo sfidë e vlefshme për çerekfinalet e Kupës së Shqipërisë përfundoi pa gola edhe pse ekipet patën raste shënimi. Në takimin tjetër të ditës Tirana mundi Flamurtarin me rezultatin 1 – 0.
Një fitore e rëndësishme, pasi u arrit në fushë kundërshtare. Goli u realizuar nga Argjend Malaj në minutat e fundit. të shtunën Laçi mundi Partizanin me rezultatin 2 – 0, ndërsa Teuta fitoi 1 – 0 me Kukësin.
Ndeshjet e kthimit do të zhvillohen në më 17 shkurt.
