Pas fakultetit të Drejtësisë, mësojmë se edhe në fakultetin e Ekonomisë në Tiranë, policia ka ndërhyrë me dhunë për të shpërndarë studentet e ngujuar në ambientet e fakultetit të tyre.
Që prej ditës së djeshme protesta e studentëve ka marrë tjetër rrjedhë. Ata nuk janë duke u tubuar në rrugë, por protesta është zhvendosur brenda ambienteve të fakulteteve.
Pasi kanë qendruar gjatë gjithë ditës së djeshme, studentët kanë vendosur të rrinë në ngujuar edhe gjatë natës. Ka ndërhyrë fillimisht policia private e më pas në ndihmë të këtyre të fundit ka shkuar Policia e Shtetit. Policët kanë tentuar të pengojnë studentët të vazhdojnë rezistencën e tyre. Shihni pamjet që na vijnë nga fakulteti i Ekonomisë. /Opinion.al
