Kreytari i Kuvendit të Shqipërisë, Ilir Meta ka deklaruar në studion e Opinion se do ta votojmë Reformën në Drejtësi. Meta theksoi se ekspertët po punojnë për të sqaruar detajet dhe për të gjetur gjuhën e përbashkët, duke theksuar se kjo është një reformë shumë e madhe, e cila po zhvillohet në një atmosferë jo shumë demokratike, jo shumë pozitive nga aktorët përkatës, ku mbi të gjitha ka mbizotëruar retorika shantazhuese dhe ndarëse.
Ai bëri me dije se nuk bëhet fjalë për një reformë vetëm për zgjedhjet e ardhshme, por do ti shërbejë Shqipërisë, të paktën, për 30 vitet e ardhshme.
Meta ka theksuar më tej se ka shumë të qartë thelbin e reformës, janë vetëm disa detaje të vogla që janë paksa të panjohura nga ai, si dhe u shpreh, se opinion public duhej të ishte informuar pak më tepër jo vetëm për rendësinë e saj, por edhe për disa detaje thelbësore më në thellësi.
Kreu i Kuvendit, ndër të tjera, kujtoi se ka një shqetësim të madh për aq sa i përket reformës në drejtësi, madje ai theksoi se edhe e ka, nëse reforma nuk do të realizohet, pasi i gjithë sistemi i integrimit të vendit do të rrezikohej.
“Unë mendoj se kryeministri ka qenë shumë i qartë këto kohët e fundit. Ai ka thënë se opozita duhet ta zgjidhë këtë çështje me SHBA dhe BE-në. Nga pretendimet e sotme të opozitës, unë mendoj se nuk ka asnjë arsye për të mos arritur konsensusi, pasi ato çështje që mbeten janë të gjitha në një linjë me qëndrimet publike të znj. Nuland”, tha Meta.
