Pronari i një biznesi që është shembur ditën e sotme në Jalë ka shpërthyer në lot pasi IKMT ka vijuar aksionin në bregdet dhe i ka shembur lokalin.
Sikurse shfaqet në pamjet e mëposhtme i ulur poshtë një peme, Fotaq Bala pronari i restorantit qan me ngashërim.
IKMT ka vijuar aksionin e prishjes së ndërtimeve pa leje që prej mëngjesit të sotëm në Jalë në zonën e bregdetit. Janë rreth 15 objekte për t’u prishur në këtë zonë ndërsa bëhet fjalë për bare, restorante dhe një ndërtesë. Gjatë aksionit të sotëm deri më tani janë shembur 3 objekte, konkretisht një shtëpi, një bar-restorant si dhe një shtëpi druri.
Operacioni “Bregdeti Ynë” për shembjen e ndërtesave pa leje ka nisur që në muajin qershor me qëllim pastrimin e vijës bregdetare, nga veriu në jug, nga ndërtimet pa leje.
