Policia e Shtetit ka publikuar pamjet e momentit të arrestimit të Nuredin Dumanit, i cili u gjet i plagosur në një apartament në Fier.
Dumani kishte shkuar të strehohej në Fier, pas përplasjes me armë në Papër të Elbasanit.
Drejtori i përgjithshëm i Policisë së Shtetit, Gledis Nano në një konferencë të jashtëzakonshme për mediat bëri publike detajet e arrestimit, duke thënë që në momentin që u vu në pranga Dumani ka qenë i plagosur.
Pas prangosjes Dumani është dërguar për mjekim në spitalin Rajonal të Fierit, dhe më pas drejt Spitalit Ushtarak në Tiranë.
