Tenisti serb Novak Djokovic është dëbuar nga Australia pasi humbi edhe “betejën” e fundit në gjykatë për të qëndruar në Australi dhe për të marrë pjesë në kometicionin sportiv “Australia Open”.
Djokovic tha se ishte “jashtëzakonisht i zhgënjyer” por e pranoi vendimin. Ai u nis me një fluturim për në Dubai të dielën.
Largimi i tij shënon fundin e një sage 10-ditore, në të cilën Djokovic luftoi për të qëndruar për të marrë pjesë në “Australia Open”.
Mbështetësit e sportistit heshtën jashtë dyerve të gjykatës ndërsa vendimi u shpall në prag të ndeshjes së tij hapëse në turne. Një fans i tha BBC-së se vera e tij do të ishte “boshe” pa 34-vjeçarin të luante në Open.
Kryeministri australian Scott Morrison tha se vendimi i gjykatës ishte i drejtë. “Vendimi për të mbajtur kufijtë tanë të fortë dhe për t’i mbajtur Australianët të sigurt është i drejtë”, tha ai.
Djokovic rreth orës 12:30 me kohën tonë lokale ka fluturuar nga Melburni në Dubai.Në kompeticionin e njohur “Australian Open” është vendosur që në vendin e Djokovicit të përfshihet italiani Salvatore Caruso, numri 150 në botë dhe nga ku ishte mundur në eliminatoret nga japonezi, Taro Daniel.
VIDEO: Footage of #Djokovic passing through Melbourne terminal, about to board flight for #Dubai. #Australia ?? pic.twitter.com/L8eQ1f4UlH
— Manchester Chronicle ? (@WithyGrove) January 16, 2022
