Janë publikuar për herë të parë pamjet kur i shumëkërkuari Ervis Martinaj është shfaqur për herë të fundit në publik.
Sikurse duket në pamjet e publikuara në emisionin “Në Shënjestër” , Martinaj shfaqet mbrëmjen e 5 gushtit 2022 në ambientet e një hoteli në vijën bregdetare të Durrësit.
Ai është i veshur me bluzë bardhë dhe pantallona të zeza ndërsa dy persona të tjerë e shoqëronin. Njëri është efektivi Jeton Lami, i cili aktualisht ndodhet pas hekuarve dhe personi tjetër është një vajzë.
Autoritetet nuk e kanë ende një përgjigje për fatin e Martinaj, ndërsa kryeministri Edi Rama ka theksuar së fundmi se e kanë një përgjigje për këtë çështje, por ajo duhet mbështetur në prova.
Martinaj është shpallur në kërkim nga policia pas dëshmisë së Nuredin Dumanit, i cili tha para hetuesve se Ervis Martinaj kishte porositur vrasjen e Endrit Dokles, atentat që nuk u realizua.
