Policia ka arrestuar në flagrancë shtetasin Xhelal Kuçi, 41 vjeç, banues në Tiranë, pasi u kap i dehur në timon dhe guxoi të korruptonte policin duke i dhënë ryshfet.
Ky shtetas duke drejtuar automjetin tip “Mercedes Benz”është ndaluar nga shërbimet e Policisë Rrugore, për t’iu nënshtruar testit të alkoolit. Pasi i është bërë testi i alkoolit me aparaturën “Drager”, ky shtetas ka rezultuar se drejtonte mjetin nën ndikimin e alkoolit, në masën 0.25 mg/l.
Kur punonjësit e Qarkullimit Rrugor i kanë komunikuar se për masën e alkoolit të konstatuar do t’i pezullohej Leja e Drejtimit, shtetasi ka tentuar t’i japë 2000 lekë të reja punonjësit të Policisë, për t’iu shmangur masës administrative, por është arrestuar në kushtet e flagrancës. “Ej, afrohu pak, mos e rregullojme” i thote ai policit, duke i dhene para per nje kafe, por perfundon ne pranga. Materialet i kaluan Prokurorisë pranë Gjykatës së Rrethit Gjyqësor Tiranë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal.
