Kanë qenë të shumta përpjekjet e pushuesve në plazhin e Velipojës për të sjellë në jetë të riun që u fut në det për të shpëtuar të fejuarën e tij që po mbytej, por pëpjekjet kanë rezultuar jo të suksesshme pasi 30 vjeçari ka ndërruar jetë.
Ngjarja ka ndodhur në plazhin e Vilunit në Velipojë dhe siç shikohet edhe nga pamjet filmike Elvin Palaj nga Dajçi i Lezhës është nxjerrë në bregdet, por përpjekjet e pushuesve kanë qenë të dëshpëruara, pasi i riu ka ndërruar jetë.
Sipas statistikave ku është rasti i dytë që një pushues humbet jetën këtë sezon turistik në plazhin e Velipojës, ndërsa është i disati në rang vend, ku edhe njëherë theksi vihet te mungesa e sigurisë në det.
