Mëngjesin e sotëm një aksident i rëndë me pasojë vdekje preku një familje shqiptare që jetonte në Gjermani, nga ku humbi jetën babai dhe vajza 4 vjeçare.
Në këtë aksident të rëndë që ndodhi në qytetin Dunningen, mbeti e plagosur rëndë edhe vajza 3 vjeçare e familjes
Zëdhënësi i policisë gjermane, Tobias Kalmbach, tha se vajza e cila pësoi lëndime të rënda nga aksidenti rrugor ku vdiqën babai dhe motra e saj 4-vjeçare, ka kryer me sukses operimin në spitalin e Freiburgut.
Kalmbach ka deklaruar se ndonëse vajza ka pësuar lëndime të rënda, tani ajo ndodhet jashtë rrezikut për jetë.
“Vajza e vogël e shoferit që humbi jetën, u dërgua në një klinikë në Freiburg, lëndimet ishin shumë të rënda”, tha ai, teksa tregoi se operacioni kaloi me sukses.
Ai tha po ashtu se vajza është në gjendje të qëndrueshme, shkruan Presseportal.de.
