Janë bërë publike pamjet e momentit kur makina që po udhëtonte nënë e bir ka çarë kangjellat dhe ka përfunduar në lumin Osum.
Si pasojë e aksidentit ka humbur jetën nëna dhe djali i saj 6 vjeç. Ngjarja e rëndë ndodhi sot rreth orës 14:00 në rrugën urbane “Antipatrea”, pranë vendit të quajtur “Ura e re”, në Berat.
Policia bëri të ditur se viktima është identifikuar si Klaudia Xheferaj, e cila duke drejtuar mjetin tip “Benz” ka humbur kontrollin dhe ka rënë në lumë.
Si pasojë e aksidentit ka humbur jetën edhe djali i saj, rreth 6 vjeç.
Nga pamjet e siguruara nga Opinion.al, duket se drejtuesja është duke lëvizur me shpejtësi dhe papritur makina shkon drejt kangjellave të urës dhe përfundon në lumë./Opinion.al
