Gazetari i kronikës së zezë, Artan Hoxha, ka treguar ditën e sotme detaje nga vrajsa e Klisman Preçit, ku objektiv ishte Ylli Brahimi i cili po lëvizte me makinën e Ervis Martinajt.
Në “ABC News”, Hoxha tha se autorët kanë lëshuar 120 predha në drejtim të makinës së blinduar duke menduar se i vranë, por Ibrahimi shpëtoi.
Ndërkohë, gazetari shpjegoi se në momentin kur ndodhi ngjarja, babi i Klismanit ndodhej shumë pranë. Sipas Hoxhës, i ati i viktimës ka hapur derën e shoferit menjëherë pas atentatit pa e ditur se aty ndodhej i biri.
“Momenti tragjik është kur babai i Klinsman Preçit shkoi për t’i dhënë ndihmë viktimave dhe nuk e dinte që në vendin e shoferit ishte pikërisht djali i tij. Kur u dëgjuan krismat, ai ishte shumë pranë dhe shkoi për ndihmë në krahun e Ylli Ibrahimit dhe pastaj gjeti të birin e tij në vendin e shoferit”, tha Hoxha duke shtuar se skuadra e qitësve profesionistë e kishte studiuar mirë terrenin për të realizuar vrasjen.
Më tej, Artan Hoxha tha se pas ngjarjes autorët hipën në një makinë “Audi” dhe u larguan nga aty duke humbur gjurmët.
“Pas vrasjes, autorët dhe dy personat që kujdeseshin në terren për hapjen e shtegut të kalimit të tyre, hipën në makinën tip Audi dhe u larguan nga aty duke humbur gjurmët”, tha Hoxha,
Gazetari shtoi se më pas makina është gjetur nga vetë babai i Klinsman Preçit e braktisur në një tunel.
