Pamjet që tregojnë një grup të rinjsh që shkelin rregullat e distancës sociale në një bar disa metra larg parlamentit hollandez janë bërë virale në Hollandë.
Imazhet e filmuara natën e kaluar, tregojnë njerëz duke përqafuar, duke bërë “selfie” dhe duke kërcyer në tavolina disa minuta para se bllokimi i pjesshëm të hynte në fuqi në orën 22:00.
At 2155 (five mins before partial lockdown rules apply). Images of this party almost literally on parliament’s doorstep were discussed in parliament tonight https://t.co/NkrtFKVF0s #COVID19 pic.twitter.com/asDIw1uAdt
— anna holligan ? (@annaholligan) October 14, 2020
Kryetari i Bashkisë së Hagës Jan van Zanen tha se sjellja ishte “plotësisht të papërgjegjshme”.
Policët patrullonin pak metra larg vendit ku të rinjtë po festonin por ata nuk ndërhynë dhe u shprehën se ishin aty që të gjithë të shpërndaheshin pas orarit të mbylljes.
Pamjet shqetësuese u komentuan edhe në seancën e mbajtur në mbrëmje në parlamentin holandez.
Nga e mërkura, në Holand hyri në fuqi mbyllja e pjesshme, pasi kryeministri i Mark Rutte tha se vendi duhej të bënte një hap më afër bllokimit të plotë për të shmangur mbingarkesën e spitaleve me rastet pozitive me koronavirus. Baret dhe restorantet janë urdhëruar të mbyllen në orën 22:00 ndërsa alkooli nuk mund të shitet pas orës 20:00.
Hollanda ka aktualisht ka një nga nivelet më të larta të infektimit në botë. Të paktën 6,663 njerëz holandezë kanë humbur jetën nga Covid19 që nga fillimi i pandemisë. /Opinion.al
