Problemet shëndetësore aq të përfolura për kandidaten demokrate për Presidencën e SHBA-së, duket se dalin sërish në pah. Hillari Klinton u largua sot papritur nga aktiviteti përkujtimor për 15-vjetorin e sulmeve terroriste në Nju Jork, pa dhënë asnjë shpjegim, ndonëse u dyshua për probleme shëndetësore.
Por disa orë më vonë, nga stafi i saj është bërë me dije se Klinton ndjeu që kishte temperaturë dhe u fut me nxitim në furgonin e stafit që e shoqëron. Nga nxitimi ajo humbi edhe këpucën e saj. Klinton shkoi në apartamentin e vajzës dhe u largua dy orë më vonë. 68-vjeçarja kur doli përshëndeti të pranishmit dhe tha: “Ndihem për mrekulli, është një ditë e bukur në Nju Jork”.
Stafi i Donald Trump ka deklaruar vazhdimisht javët e fundit se Hillari është e sëmurë dhe nuk mund të drejtojë Presidencën e SHBA, ndërsa vet 68-vjeçarja i ka mohuar këto aludime.
Video më poshtë, tregon momentin kur Klinton humbet ekuilibrin dhe gati sa nuk rrëzohet.
[fbvideo link=”https://www.facebook.com/skynews/videos/1453631367984789/” width=”500″ height=”400″ onlyvideo=”1″]
