Luke Aikins është hedhur shëndoshë e mirë pa hapje të parashutës nga lartësia 7.620 metra dhe ka rënë në rrjetën prej 30 metrash katrorë në luginën Simi në Kaliforninë Jugore.
Kështu Aikins (42 vjeçar) u bë njeriu i parë i cili nga një lartësi e tillë ka kërcyer nga avioni pa parashutë, shkruan The Guardian. E gjitha ka zgjatur pak më shumë se dy minuta ndërsa Luke ka rënë në rrjetë me shpejtësinë 240 kilometra në orë. Përreth rrjetës ishin vendosur drita në mënyrë që kërcimtari ta vërente vendin ku duhej të binte. “Do të gënjeja nëse them se nuk jam nervoz”, tha Luke para kërcimit.
