Një video e kancelares së Gjermanisë, Angela Merkel, teksa harron maskën mbrojtëse në foltoren e Kuvendit është duke bërë xhiron e rrjetit.
Pasi mbaroj fjalën e saj gjatë një seance plenare, Merkel ka harruar maskën në foltoren e Kuvendit.
Nga video duket se ajo ulet e qetë në vendin e saj deri në momentin kur kujton sepo i mungonte maska. Kancelarja gjermane ngritet nga karrigia me nxitim për ta marrë.
Ngjarja ka ndodhur disa ditë më parë kur Merkel foli para Bundestagut, duke bërë autokritikë mbi kohën e reagimit ndaj përhapjes së COVID-19 në Gjermani.
“Ne nuk e bllokuam jetën publike shume herët, ndërsa kishte shenja të një vale të dytë dhe paralajmërime nga shkencëtarë të ndryshëm”,- tha Kancelarja në 11 Shkurt.
Pasi mori maskën, kancelarja u rikthye sërish në vendin e saj, teksa videoja është bërë virale duke marrë me qindra shpërndarje dhe klikime./Opinion.al
