BBC ka sjellë dëshminë e një gruaje ukrainase, e cila ka treguar se është përdhunuar nga ushtarët rus.
Dëshmitares i është ndryshuar emri për ta mbrojtur atë, ndërsa BBC shkruan se Ana jeton në një lagje të qetë, rurale 70 km (45 milje) në perëndim të Kievit dhe është 50 vjeçe.
Anna ka treguar se më 7 mars kishte qenë në shtëpi me burrin e saj kur brenda hyri një ushtar i huaj.
“Në kërcënimin e armës më çoi në një shtëpi aty pranë. Më urdhëroi: Hiqi rrobat ose të qëlloj. Ai vazhdoi të më kërcënonte se do të më vriste nëse nuk bëja siç thoshte ai. Më pas filloi të më përdhunonte”,-tha ajo.
Anna e përshkroi sulmuesin e saj si një luftëtar i ri, i dobët, çeçene, aleate me Rusinë.
“Ndërsa ai po më përdhunonte, hynë edhe katër ushtarë të tjerë. Mendova se kisha mbaruar. Por ata e morën. Nuk e pashë më“,-tha ajo.
Ana tregon se kur u kthye në shtëpi e gjeti burrin e saj të qëlluar në bark.
“Ai kishte tentuar të vraponte pas meje për të më shpëtuar, por u godit nga një plumb”,-tha ajo.
Të dy kërkuan strehim në shtëpinë e një fqinji. Ata nuk mund ta çonin burrin e saj në spital për shkak të luftës. Ai vdiq nga plagët e marra dy ditë më vonë.
Ajo gjithashtu tregoi se bashkë me fqinjët e saj e varrosën burrin në oborrin e shtëpisë së tyre./Opinion.al
