Ish-i dërguari amerikan për dialogun Kosovë-Serbi, Richard Grenell, ka nisur fushatën pro Trump me shqiptaro-amerikanët.
Siç shihet edhe në pamje, Grenell ka realizuar një takim me disa shqiptarë ku mes tyre shihet edhe këngëtarja e njohur Bleona Qerreti.
Por ky nuk është vetëm takimi i parë i zhvilluar me shqiptarët.
Në 17 shtator Grenell organizoi një tjetër takim, të cilin e ka postuar në rrjete sociale së bashku me disa fotografi.
Krahas fotove, Grenell shkruan se shqiptaro-amerikanët e dinë se Donald Trump duhet të jetë president i ardhshëm i SHBA-ve.
Disa muaj më parë Grenell deklaroi se diaspora shqiptare duhet të votojë për Donald Trump në zgjedhjet e nëntorit për presidentin e SHBA-së.
