Kanë dalë pamjet e filmuara nga kamerat e sigurisë të grabitjes së djeshme në Tiranë, në një banke të nivelit të dytë të vendosur në sallën kryesore të godinës së hipotëkës në Tiranë. Me kapuç dhe më një pistoletë në dorë, grabitësi afrohet në sportel, kërcënëon punonjëset e dy arkave dhe prej andej mbush një qese me para.
Grabitësi vepron i qetë, aq sa në fillim qytetarët nuk e kuptojnë se çfarë ndodh. Kur grabitësi ngre zërin duke kërcënuar arkëtaret me fjalët “parat se do t’ju vras”, ata janë larguar menjëherë nga salla e pritjes së Hipotekës.
Policia ende nuk ka rënë në gjurmët e grabitësit edhe pse ai është filmuar nga kamerat. Ndërkohë grabitësi kërcënoi me armë edhe një efektiv të policisë rrugore i cili e ndoqi pas në rrugicat drejt zonës së Don Boskos.
Shuma që dyshohet se grabitësi arriti të marrë nga arkat është rreth 500 mijë lek (të reja) ndërkohë që policia arrestoi një nga rojet e policisë private që ishin në shërbim ndërsa një tjetër e procedoi në gjendje të lirë për shpërdorim detyre.
