Dy shqiptarë kanë rënë në prangat e policisë italiane pasi kishin grabitur disa herë një pikë karburanti në zonën e Santernos në provincën e Ravennas.
Dy të arrestuarit, 24 dhe 29 vjeç kishin hyrë të maskuar natën e 8 korrikut në dyqanin e pikës së karburantit “TotalErg” në Santerno. Ata kishin kanosur me thikë punonjësit dhe kishin vjedhur një shumë parash.
Më pas më 12 dhe 16 gusht ata kishin shënjestruar përsëri të njëjtin rrjet dyqani në zonë duke bërë që shuma e grabitur e parave të arrinte në 4 mijë euro.
Policia ra në gjurmët e dy shqiptarëve dhe organizoi operacionin e koduar “Kusar” për ti arrestuar. Pas ndalimit u zbulua se ata kishin kryer edhe një tjetër grabitje në datën 19 gusht. Njëri nga grabitësit ishte me leje qëndrimi të rregullt në Itali, ndërsa sapo kishte mbërritur në vendin fqinj.
Mediat italiane kanë publikuar pamjet e një prej grabitjeve në pikën e karburantit. /Opinion.al
