Spektakël në “Dean Court” teksa vendasit e Bournemoth ka në përmbysur gjithçka në pjesën e dytë. Ishin miqtë ata që kaluan në avantazh të dyfishtë që në pjesën e parë, dhe dukej sikur çdo gjë kishte marrë fund. Por në pjesën e dytë futet një Bournemouth me një tjetër fytyrë duke u rifutur në lojë në fillim. Por Liverpool godet sërish me anë të Emre Can. Më pas fillon magjia. Me Bournemouth që rikuperon disavantazhin nga 3:1 në 4:3. Spikatën Fraser, Wilson, Cook dhe Ake. Një goditje e rëndë kjo për djemtë e Jurgen Klopp që tashmë kanë humbur vendin e dytë dhe ndodhen në vend të tretë me pikë të barabarta me Manchester City.
Pjeas I
Një atmosferë e ftohtë në stadiumin “Dean Court” të Bournemouth dhe ekipet duan disa minuta deri sa të integrohen në lojë. Liverpool kontrollon ndeshjen me kalimin e minutave dhe në të 20-tën Mane zhbllokon rezultatin pas një pasimi fantastik të Emre Can, afrikani gjendet brenda zonës dhe nuk gabon në situatën vetëm për vetëm me portierin.
Por më e bukura vjen në minutën e 22’ kur Henderson nis një top të gjatë për Origi i cili driblon portierin që kishte dalë nga zona dhe nga një pozicion i pjerrët godet mrekullisht topin duke dyfishuar rezultatin. Vendasit janë shumë të ngurtë dhe pasimet e shkurtra të Liverpool bëjnë që ata shumicën e kohës të gjëmojnë topin dhe jo ta luajnë vetë. Gjithsesi duhet thënë se iu mohua një penallti e pastër.
Pjesa II
Bournemouth del në sulm në kërkim të golit të parë dhe në herën e parë që ndodhen brenda zonës Milner ndërhyn në mënyrë të gabuar nda të zëvendësuarit Fraser dhe arbitri akordon penallti. Wilson merr përsipër njëmbëdhjetëmetërshin dhe nuk gabon duke ngushtuar rezultatin. Liverpool kërkon të kundërpërgjigjet por vendasit mbrohen më mirë se në pjesën e parë. Por në minutën e 64’ Mane pason për Emre Can nga e djathta, dhe gjermani godet nga jashtë zone topin në mënyrë perfekte me topin që shkon në trekëndëshin e djathtë.
Të Kuqtë rifitojnë sigurinë e rezultatit, por kjo situatë zgjat vetëm dymbëdhjetë minuta pasi në minutën e 76’ Fraser ngushton rezultatin me një goditje të pakapshme në hyrje të zonës. Vendasit marrin zemër dhe hidhen në sulm, duke u shpërblyer vetëm tre minuta më pas me anë të mbrojtësit Cook i cili merr një top brenda zonës, e stopon bukur dhe godet menjëherë duke mundur për të tretën herë brenda pjesës së dytë portierin e Liverpool. Dhe në minutën e 3-të shtesë vendasit gjejnë golin e fitores me anë të Ake./telesport
https://youtu.be/ksajqC-BOWQ
